Në sfidën e mbrëmjes Atalanta e Etrit Berishës barazoi 1-1 në fushën e Fiorentinës. Portieri kuqezi nuk mund të bënte asgjë në të 12-ën, përballë ekzekutimit fantastik të Federico Chiesas.
Bergamaskët kishin raste të panumërta për të barazuar, por ish-portieri i zikaltërve Sportiello u shfaq fantastik, madje duke neutralizuar edhe 11-metërshin e Alejandro Gomez në të 62-ën.
Atalanta nuk u dorëzua deri në fund, ndërsa për të mbajtur ekipin e tij në lojë mendoi edhe Berisha në kohën shtesë, që i vodhi kohën Babakar dhe evitoi një gol të sigurt.
Një episod vendimtar, pasi Frojlë në sekondat e fundit barazoi rezultatin duke i dhënë Atalantës një pikë të vuajtur në stadiumin “Franchi”.