UEFA ka përzgjedhur një trupë gjyqtarësh holandezë për sfidën e “Elbasan Arenës” mes Skenderbeut dhe Young Boys në raundin e dytë të ndeshjeve të në grupe të Europa League.
Gjyqtar kryesor do të jetë i i mirënjohuri Kevin Blom, ndërsa ndihmës të tij Charles Schaap, Joost van Zuilen dhe Jeroen Manschot.
Blom bën pjesë na kastën e gjyqtarëve më të rëndësishem të FIFA-s, pasi ka gjykuar në vazhdimësi ndeshje të kompeticioneve më të rëndësishme europiane, ndërsa për publikun shqiptar mbahet mend sidomos për drejtimin e ndeshjes Shqipëri – Norvegji, e vlefshme për eliminatoret të Botërorit 2014, ku vendosi ai gol i mrekullueshëm i Hamdi Salihit, pas një skeme të aplikuar me shumë zgjuarsi nga kuqezinjtë që atëherë drejtoheshin nga Gianni De Biasi.