Cristiano Ronaldo është solidarizuar me gjithë të prekurit e tërmetit shkatërrimtar që goditi Meksikën vetëm pak ditë më parë. Ylli portugez ka postuar një foto ku mban në dorë fanellën e Realit të Madridit me një mesazh prekës, dedikuar fansit të tij më të madh, Santiagos që fatkeqësisht nuk jeton më. Për fansin tim numër 1 Santiagon, shkruan ylli i Los Blancos, duke iu referuar Santigo Flores një prej fëmijëve që mbeti i vrarë nën rrënojat e shkollës që u shëmb nga tërmeti 7.1 ballësh. Familjarët e vogëlushit pas vdekjes së tij i shruajtën Ronaldos për t’i treguar se djali i tyre kishte qënë një adhurues i madh i yllit ndërkombëtar dhe ky i fundit reagoi në rrjetet sociale, duke shkruar:
‘Në këtë moment dhimbjeje i dërgoj një përqafim të madh familjes së Santiagos dhe të gjitha atyre familjeve që kanë humbur të dashurit e tyre në këtë tragjedi.”
Nga ana tjetër dhe klubi i Atletico Madrid komunikoi ditën e shtunë lajmin, se ata do të dhurojnë një shifër prej 50 mijë eurosh që do të shkojë në ndihmë të të mbijetuarve të tërmetit më pasoja fatale.
