Një periudhë luajti me sukses për klubin e futbollit Kosova e Prishtinës, Lumturie Muhadri, tani gjyqtare e futbollit. Ajo shpreh emocionet e saja për 15 vjetorin e themelimit të klubit. “E lumtur për këtë 15 vjetor të themelimit të ekipit të parë të futbollit femëror, ku arritëm te realizojmë ëndrrën e fëmijërisë edhe pse gjatë rrugëtimit tonë patëm shumë sakrifica po nuk u dorëzuam për asnjë moment , mbi të gjitha mbizotëronte pasioni dhe dëshira për të vazhduar.
E lumtur që patëm përkrahjen e familjes, shoqërisë , zyrtarëve të ekipit Kosova P., sepse thyerja e barrierave nuk ishte aspak e lehtë.
E lumtur që me këtë sport arrita ti prek pothuajse të gjitha duke e cekur edhe ligen e kampionëve.
E lumtur qe ia mundësuam shumë të rejave të vazhdojnë të ndjekin ëndrrën e tyre me formimin e ekipit , ku me pas u formuan edhe shumë ekipe tjera, ishim motivim për të gjitha ekipet e Kosovës.
Dua të i falënderoj: Bashkëthemeluesen Lindita Cena, përkrahësin dhe kryetarin e klubit Agim Ademi. Trajnerët: te ndjerin Bacin Halil Sadikun,H aki Bllacakun, Enver Fazliun, Ilir Sopin, Naim Pevqelin, Bajram Krasniqin, Fatmir Zhdrellen. Federatën e futbollit të Kosovës si dhe kryetaren e ligës së femrave Vjollca Krasniqin, dhe përzgjedhësen e përfaqësueses së femrave Afërdita Fazliun për ndihmesën dhe përkrahjen që na kanë ofruar.
Një falënderim i veçantë shkon për bashkëlojtaret e mia, për të gjitha për kontributin e dhënë ,dhe vazhdojnë secila nëpër ekipet dhe qytete e tyre, tani duke e masovizuar futbollin femëror.
Gëzuar ky 15 vjetor shpresojë që përvjetorët tjerë të na gjejnë edhe me të masovizuar dhe shpresojë të kemi suksese edhe në arenën ndërkombëtare”, shkruan Lumturie Muhadri.
