Kosova sfidohet nga Islanda, që luhet sonte (20.45) në Reikjavik. Ish reprezentuesi i Kosovës, Genc Sermaxhaj, tani analist për futboll, tha se Kosovën e pret një takim i vështirë. “Kosovën në Islandë e pret e zakonshmja, por mos të jetë me rezultat të thellë. Islanda u tregua e fortë edhe në ‘Loro Boriçi’, e tillë do të jetë edhe në vendin e tyre. Ndeshja e fundit për stafin teknik të përfaqësueses sonë. Bunjaki ka kontribuar mjaft për futbollin e Kosovës, tani është koha për një trajner me përvojë dhe domosdo duhet të jetë i huaj. Shpresojmë të mos pësojmë shumë gola në ndeshjen e fundit”, tha Sermaxhaj për gazetën kombëtare “Bota sot”. Kosova ka një barazim e tetë humbje, a është pritur më shumë?
“Kemi pritur më shumë, ka pas mundësi për më shumë, nuk patëm fat, bëmë shumë gabime, nuk ishim të koncentruar maksimalisht. Angazhimi ka qenë i mjaftueshëm, por kot kur në momentet e duhura Bunjaki nuk ishte treguar i zgjuar me njëmbëdhjetëshin startuese dhe me zëvendësime. Gjithashtu edhe disa nga futbollistët tanë nuk janë as të përafërt me nivelin e futbollistëve tjerë të grupit. Përveç Valon Berisha në përfaqësuesen tonë i cili dallohej nga të tjerët me kualitet më të mira, të tjerët ishin paraqitur vërtet shumë dobët”, ka thënë Sermaxhaj. Në nëntë ndeshje Kosova ka shënuar gjithsej tri gola e ka pësuar 22 sosh. Megjithatë, ka një përvojë të mirë, sepse për herë të parë në histori mori pjesë në kualifikime dhe të vetmen pikë e fituan me 5 shtator të vitit të kaluar, ku në Turku barazuan me rezultat 1:1 me Finlandën.
Sonte, Grupi I
Islanda-Kosova 20.45
Ukraina-Kroacia 20.45
Finlanda-Turqia 20.45
Tabela
1. Islanda 9 6 1 2 19
2. Kroacia 9 5 2 2 17
3. Ukraina 9 5 2 2 17
4. Turqia 9 4 2 3 14
5. Finlanda 9 2 2 5 8
6. Kosova 9 0 1 8 1