Pas ndeshjes, një nga yjet e Italisë, Lorenco Insinje është ndalur dhe ka folur mbi ndeshjen e sotme për mikrofonin e TVSH-së. Ai e cilësoi fitoren e vështirë, por nuk harroi të komentonte edhe shokun e tij të skuadrës te Napoli, Elseid Hysajn.
“Ishte ndeshje e vështirë. Shqipëria ka ekip të fortë. Kisha përballë Hysajn dhe dihet që nuk ka qenë kundërshtar i lehtë pasi më njeh mirë. Luajmë bashkë dhe m’i njeh lëvizjet. E rëndësishme ishte se arritëm te fitorja. Ndërruam bluzat me Hysajn dhe i them që ka bërë një lojë të mirë. Shihemi të mërkurën në Napoli”, deklaroi Insinje.
