Skuadra me renome Prishtina dhe Vëllaznimi nga Gjakova, u takuan në mes vete në stadiumin “Rexhep Rexhepi” në Drenas dhe prishtinasit triumfuan me rezultat 1:0. Fitore e madhe dhe në çastet e fundit, duke iu falënderuar Armend Dallkut. Tri pikë që nuk maten as me ari dhe vjen fitorja e parë për kryetrajnerin e ri Mirel Josa.
Të gjithë menduan se sfida e rivalëve të vjetër do të përfundojë pa fitues, por Mentor Mazrekaj nga gjuajtja e lirë për bukuri pasoi deri te mbrojtësi Dallku dhe shënoi për fitoren e madhe. Prishtina tani është në vend të katërt me 15 pikë, kurse Vëllaznimi bie në pozitën e tetë me 12 pikë.
