Për Jurgen Kloppin përballja mes Liverpoolit dhe Manchester Unitedit, është një nga ndeshjet më speciale në futboll.
Trajneri gjerman në konferencën për shtyp, ka folur për përballjen Liverpool – Manchester United, që luhet nesër në ‘Anfield Road’, me fillim nga ora 13:30.
Klopp ka hedhur poshtë të gjitha pretendimet se kjo ndeshje ka të bëjë mes tij dhe Jose Mourinhos.
“Nuk kam rivalitet me trajnerët tjerë, nuk i shikoj përballjet në këtë formë”, ka deklaruar Klopp.
“Ne po presim për ndeshjen. Është një nga ndeshjet më speciale në futboll. Nëse nuk je i përfshirë në të, ju e shikoni atë 100 për qind. Ne e dimë këtë dhe e respektojmë. Duam të luajmë mirë dhe të marrim rezultat”, ka shtuar ai.
