Ndeshja e planifikuar për t’u luajtur të shtunën pasdite mes Tottenham-Bournemouth, në mitikun “Wembley”, ka hyrë në historinë e futbollit anglez, para se të luhet.
Kjo sfidë do të bëhet takimi me më shumë tifozë në stadium, në të gjithë historinë e Premiere League.
Në pritje të rikonstruktionit të impiantit “White Hart Lane”, Tottenham po i zhvillon ndeshjet e tij në “Wembley”, një stadium me kapacitet rreth 90 mijë vende.
Ndërsa bëhet e ditur se deri pasditen e të premtes, është kaluar shifra e 80 mijë biletave të shitura për takimin e të shtunës.
Kujtojmë se rekordi aktual mbahej nga takimi i 2007-s, mes Manchester United dhe Blackburn, me 76.098 tifozë. Por duke marrë parasysh se “Wembley” është i vetmi stadium me kapacitet mbi 80 mijë vendesh, rekordi i takimit Tottenham-Blackburn pritet të qëndrojë për një kohë të gjatë.
