Në prag të Derby della Madonnina, nuk mund të mungonin edhe urimet e ish-trajnerit të Interit, portugezit Jose Mourinho.
Ai mbetet një nga trajnerët që ka fituar më shumë me zikaltrit, ndonëse i ka drejtuar për vetëm dy vite, ndërsa në vitin e e fundit, 2010-ën, fitoi edhe tripletën e famshme.
“Unë dhe Interi jemi të lidhur nga një marrëdhënie dashurie. Kur isha atje, kishim një grup të vjetër, që kishin ndoshta mundësinë e fundit për të fituar dhe dhamë gjithçka për t’ia dalë të sjellim gëzim te familja Moratti dhe të gjithë zi-kaltrit”.
“Tani është një situatë krejt tjetër, sepse Inter po synon të ringrihet, duke i besuar shumë lojtarëve të rinj”.
“Mendoj se Spalletti po bën një punë të mirë dhe uroj që derbi të flasë zi-kaltër”, tha portugezi, që tashmë drejton Manchester Unitedin.
Pas Milanit, Interi do të luajë me Napolin.
