Penalltia e minutës së fundit për të përfunduar një “hat-trick” dhe për të siguruar fitoren 3:2 në derbi ndaj Milanit ishte një ndjenjë e papërshkrueshme për Mauro Icardin.
Sulmuesi argjentinas vulosi një përplasje të zjarrtë, pasi Ricardo Rodriguez e pengoi Danilo D’Ambrosio në një cep të vonë, duke i dhënë dy herë skuadrës së Luciano Spallettit kryesimin me golat e mrekullueshëm. “Marrja në shtëpi e topit të ndeshjes është një ndjenjë e veçantë, që nuk mund ta përshkruaj, – tha ai për “Mediaset Premium”. – Unë kisha folur me disa nga shokët e ekipit tim dhe e dinin se do të shënoja sot, kështu që jam duke e mbajtur si shok të ngushtë këtë top.”
Icardi është pikë referimi tek Interi, por ka duruar një marrëdhënie shpesh të stuhishme me përkrahësit gjatë karrierës së tij në “San Siro” dhe ishte pa gol që nga rezultati 3-1 në Romë. “Unë i lejoj kritikët të flasin, pastaj bëj atë që duhet të bëj në fushë: ndihmoj ekipin dhe shënoj golat, –shtoi ai. – Ju nuk mund të shënoni gjithmonë, sigurisht. Jam i lumtur për veten dhe për Interin, mbi të gjitha për këtë fitore”. Shtatë fitore dhe një barazim i vetmuar nga tetë ndeshje nën drejtimin e Spallettit do të thotë se Interi është vetëm dy pikë larg Napolit kryesues.
"Është shumë herët për të folur për një sfidë të titullit, – shtoi Icardi. – Ne jemi duke i bërë gjërat në mënyrë të drejtë që para sezonit dhe tani duhet të mendojmë për ndeshjen e ardhshme, kundër një kundërshtari të madh, si Napoli. Është një ndeshje e veçantë, sepse luajmë me udhëheqësit e Seria A, që luajnë futbollin më të mirë në Europë”.
