Giampiero Ventura nuk është më trajner i Kombëtares së Italisë.
69 vjeçari ka vendosur të jap dorëheqje pas dështimit për t’u kualifikuar për Kampionatin Botëror të vitit 2018.
Italia dështoi të siguroi një vend në botërorin e Rusisë, duke barazuar 0-0 me Suedinë në ndeshjen e kthimit të ‘Play Off’, teksa ndeshjen e parë në Stokohlm e ka humbur 1:0.
Menjëherë pas dështimit më të madh të futbollit italian viteve të fundit, Ventura ka dhënë dorëheqje.
Lajmi është bërë i ditur nga mediet kryesore italiane.
Hera e fundit që Italia ka dështuar të marrë pjesë në Kampionatin Botëror, ishte viti 1958, në Suedi.
