Inter po mendon për transferimet e para që do t’i bëjë në fund të sezonit.
Skuadra nga Serie A, ke gjetur zëvendësuesin e mbrojtësit brazilian, Miranda.
Sikurse Miranda, edhe pasuesi i tij vjen nga Spanja, konkretisht nga skuadra e Atletico Madrid.
‘Corriere dello Sport’ njofton se Interi është i interesuar të nënshkruajë me mbrojtësin e Atletico Madrid, Jose Maria Gimenez, në fund të sezonit.
Gimenez që është 22 vjeçar, ka klauzolën e lirimit 65 milionë euro, por Interi shpreson të arrijë një marrëveshje me Atleticon, për të zbritur çmimin e tij.
Reprezentuesi i Uruguait po ashtu po kërkohet nga Juventus, Roma, Liverpool dhe Manchester United.