Mjaft i zhgënjyer është shfaqur trajneri i Lazios, Simone Inzaghi, për humbjen në derbi ndaj Romës. Tekniku i bardhekaltërve është shprehur se skuadra e ka interpretuar mirë ndeshjen, por është ndëshkuar nga 2 gabime individuale, të cilat i kanë kushtuar humbjen.
“Zhvilluam një pjesë të parë të mirë dhe në pjesën e dytë mund të shfrytëzonim daljen para të Romës, por 2 gabime individuale na kushtuan shtrenjtë. Është e pamundur të fitosh një derbi, nëse gabon 2 herë në atë mënyrë si gabuam ne sot”, tha Inzaghi.
Gjithsesi, trajneri i Lazios vlerësoi performancën e skuadrës në tërësi dhe bëri thirrje për përqendrim dhe rikthim të menjëhershëm te fitorja.