Sulmuesi shqiptar, Albion Avdijaj, është trim i fitores së Grasshoppersit me rezultat 2:0 në ballafaqim me Thun-in, në ndeshjen e javës së 15-të të elitës së futbollit zviceran. Avdijaj futet në lojën në pjesën e dytë përkatësisht në minutën e 58-të, por që ndryshoi rrjedhën e lojës. Ai shënoi dy gola në minutën e 74-të dhe në atë të 85-tën.
Në golin e dytë të tij asistoi shqiptari Nedim Bajrami, ky i fundit u paraqit tërë takimin. Grasshoppers ngjitet në vend të tretë me 23 pikë, ndërsa Thun është në pozitën e 8-të me 15 pikë.