Futbollisti Paulo Dybala nuk premton se do të mbetet përgjithmonë te skuadra kampione e Italisë, Juventusi. “Nuk dua të bëj premtime, sidomos pasi nuk është në dorën time. Në këtë moment unë nuk po them se ky është viti i fundit. Mendoj se është shumë e rëndësishme e tashmja dhe të fitojmë sa më shumë. Klubi më dha numrin 10 dhe ky është një nderim. Në futbollin modern kurrë nuk i dihet të ardhmes, e shembuj konkret kemi parë këtë verë”, ka thënë Dybala. Reprezentuesi argjentinas në vitin 2015 nga Palermo kishte kaluar te Juventusi dhe aktualisht po ndihet fortë mirë.
