Valencia është në formë të mirë dhe për 12 javë nuk ka regjistruar asnjë humbje në kampionatin spanjoll, ka 9 fitore e 3 barazime apo renditet në vend të dytë me 30 pikë, katër me pak se lideri Barcelona. Sfida mes këtyre rivalëve është derbi i javës së 13-të dhe i skuadrave të pamposhtura deri me tash, për faktin se katalunasit kanë 11 fitore e 1 barazim.
Valencia mobilizohet t’i shkaktojë humbjen e parë Barcelonës, sikurse edhe kjo e fundit skuadrës nga Mestalla. Ndeshje do të zhvillohet të dielën mbrëma (20.45) dhe pritet me kërshëri të madhe nga dashamirët më të zjarrtë të lojës më të popullarizuar në botë. Barcelona shumë herë ka pasur probleme në fushë të Valencisë, por kësaj radhe besojnë e shpresojnë në fitore. Trajneri i Valencisë, Marcelino, “kërcënon” rivalin se do të kthehet duarthatë nga ky udhëtim.
Trajneri i Real Madridit, Zinedine Zidane, kërkon tri pikë (nesër, 16.15) ndaj Malagës, nisur nga rikthimi i Kovaçiç dhe Keylor Navas. Megjithatë, ai kërkoi përsëri durim me Gareth Balen, i cili mungon për shkak dëmtimi. “Po, preferoj që ta kemi Gareth me ne. E sigurt. Ne tashmë e dimë se çfarë sjell Gareth, ai është shumë i fortë, i fuqishëm, teknikisht shumë i mirë. Ai punon shumë, ka luajtur lojëra të mrekullueshme në këtë klub. Po trajnohet mirë, por do të shohim se kur do të luajë. Emocionalisht për të, duam që të jetë me ne dhe të largojë të gjitha gjërat negative që mund të ketë rreth tij. Sergio Ramos? Nesër do të shihni nëse luan apo jo. Me maskë apo jo, ai do të luajë kur të jetë mirë.
Do të shohim, sepse kemi edhe mundësi të tjera. Është gjë e mirë, nuk kam frikë nga asgjë. Nëse ai nuk luan nesër, do të jetë me ne ndeshjen tjetër, duke dhënë si përherë, më të mirën”, tha Zidane. Futbollisti shqiptar, Enis Bardhi, me Levanten do të takohen me Atletico Madridin e cila nuk ka pësuar asnjë humbje deri me tash. Atletico deri me tash ka 6 fitore e 6 barazime apo me 24 pikë renditet në pozitën e katërt. Në Premier League, do të zhvillohet nesër (18.30) derbi mes Liverpolit dhe kamponit në fuqi Chelsea. “Redsat” shpresojnë në përparësinë e fushës dhe që të fitojnë, kësisoj të jenë më lartë në renditje, kurse Chelsea mëton që të kthehet i pamposhtur. Chelsea është në vend të tretë me 25 pikë, ka tri më shumë se Liverpooli që mban pozitën e pestë.
Liga e Italisë, java e 14-të
E shtunë
Bologna-Sampdoria 15.00
Chievo-Spal 18.00
Sassuolo-Verona 18.00
Cagliari-Inter 20.45
E diel
Milan-Torino 15.00
Genoa-Roma 15.00
Udinese-Napoli 15.00
Lazio-Fiorentina 18.00
Juventus-Crotone 20.45
E hënë
Atalanta-Benevento 20.45
Liga e Gjermanisë, java e 13-të
E shtunë
Dortmund-Schalke 15.30
Eintracht-Bayer 15.30
Augsburg-Wolfsburg 15.30
RB Leipzig-Werder 15.30
Freiburg-Mainz 15.30
Monchengladbach-Bayern 18.30
E diel
Hamburger-Hoffenheim 15.30
Koln-Hertha 18.00
Liga e Anglisë, java e 13-të
E shtunë
Crystal Palace-Stoke City 16.00
Manchester United-Brighton 16.00
Newcastle-Watford 16.00
Swansea-Bournemouth 16.00
Tottenham-West Brom 16.00
Liverpool-Chelsea 18.30
E diel
Southampton-Everton 14.30
Burnley-Arsenal 15.00
Huddersfield-Manchester City 17.00
Liga e Spanjës, java e 13-të
E shtunë
Alaves-Eibar 13:00
Real Madrid-Malaga 16.15
Betis-Girona 18.30
Levante-Atl. Madrid 20.45
E diel
La Coruna-Ath Bilbao 12.00
Sociedad-Las Palmas 16.15
Villarreal-Sevilla 18.30
Valencia-Barcelona 20.45
E hënë
Espanyol-Getafe 21.00