Skuadra e Shkëndijës nga Tetova, është kampion vjeshtor në Kampionatin e Maqedonisë. Tetovarët i dhanë leksion fituesit të Kupës, Pelisterit nga Manastiri, duke e mundur me rezultat 3:0, në ndeshjen e javës së 18-të.
Golat i shënuan: Besart Ibraimi (49’), Ferhan Hasani (68’-nga penalltia) dhe Arbin Zejnullai (90’). “Ibraimi, Hasani e Zejnullai me nga një gol që shënuan në pjesën e dytë sigurojnë fitore 3:0 përballë Pelisterit, duke mbyllur sezonin vjeshtor bindshëm në vendin e parë me 15-të fitore nga 18-të takime”, bëhet e ditur nga Shkëndija. Shkëndija kryeson me 46 pikë, duke lënë pas Vardarin me 32 sosh.
