Ish-shoku i ekipit Mateo Kovacic është një admirues i kapitenit të Inter, Mauro Icardi. Gjithsesi ai mendon se ai nuk do të ishte i domosdoshëm për Real Madrid pasi në sytë e mesfushorit Karim Benzema është sulmuesi më i mirë në botë.
“Kam luajtur me Icardi-n dhe ai është një lojtar shumë i mirë i cili shënon shumë gola,” shprehet kroati.
Kovacic shpreson të luajë në ndeshjen e radhës në Champions League, që do të ishte ndeshja e parë si titullar për ish-lojtarin e Inter.
“Mendoj se jam gati të luaj si titullar.
“E kam filluar shumë mirë këtë sezon por dëmtimi më ndali, gjithsesi sezoni është akoma i gjatë. Dua një rol më të rëndësishëm, si në fillim të vitit.
“Jam shumë i lumtur që jam rikthyer të luaj. Ndihem shumë mirë.”