Bosz: Reali nuk është më i dobët se sezonin e kaluar - Bota Sot
Bosz: Reali nuk është më i dobët se sezonin e kaluar

Futboll

E enjte, 14 dhjetor 2017

Bosz: Reali nuk është më i dobët se sezonin e kaluar

Më: 6 dhjetor 2017 Në ora: 17:32
Trajneri i Dortmundit, Peter Bosz

Real Madrid do të jetë sonte nikoqir i skuadrës së Borussia Dortmundit në kuadër të Ligës së Kampionëve.

Madrilenët do të përpiqen që para shikuesve të vetë të mbyllin fazën e grupeve me një fitore.

Para takimit ka folur trajneri i Dortmundit, Peter Bosz, i cili ka pohuar se Reali nuk është më i dobët se sezonin e kaluar ani pse po kalon një periudhë të vështirë.

”Më kujtohet se në ndeshjen e fundit të Real Madridit ne luajtëm më mirë dhe ata fituan. Ata kanë lojtarë shumë të mirë dhe unë nuk mendoj se ndodhen në një krizë”.

”Nuk do të jetë e lehtë të pyesim ‘Santa Claus’ që të na dhurojë tre pikët nesër. Do të bëjmë gjithçka që është e mundur të marrim fitoren. Në Madrid mund të habitesh, por po shkojmë të bëjmë një ndeshje të mirë”.

”Nuk mendoj se Real Madridi ka një skuadër më të dobët se vitin e kaluar. Ata do të përmirësohen dhe do të luajnë shumë mirë sepse kane lojtarë fantastik. Është një mëkat qe Gareth Bale nuk do të luajë pasi është një lojtar i madh”, tha Bosz.

Ndryshe, takimi mes të dyja ekipeve do të zhvillohet në stadiumin Santiago Bernabeu me fillim në ora 20″45.

Sot mund të lexoni Shfletoni kopertinat
Sondazh
    test