Sokoli i thotë lamtumirë Pozheranit

Futboll

Sokoli i thotë lamtumirë Pozheranit

Më: 7 dhjetor 2017 Në ora: 15:25
Bylbyl Sokoli

Bylbyl Sokoli nuk do ta drejtojë Vllazninë edhe në stinorin pranveror të Superligës. Trajneri i mirënjohur, ka konfirmuar largimin pas humbjes së sotme 1:0 nga Llapi, në kuadër të Kupës së Kosovës. “Po, mendoj se kjo është ndeshja ime e fundit me Vllazninë. Marrëveshjen e kam deri në janar, sepse ata i kam miq, jam munduar të nxjerrim maksimumin, mendoj se kemi nxjerrë maksimumin. Gjasat janë për barazh, por gjatë kësaj jave duhet dikush tjetër. Nuk ka gjasa të vazhdojë me këtë tempo”, ka thënë Sokoli për SuperSport Kosova.

Ai analizoi edhe lojën, duke thënë se u dëmtuan për një gol nga gjyqtarët.

“Pësuam gol nga një aksion që nuk ishte i rrezikshëm. Mendoj se u dëmtuam për një gol në pjesën e parë, edhe pse mora informatën se sipas inçizimeve është e kundërta. Unë prapë mendoj se ishte gol i pastër i yni. Sot lojtarët luajtën mirë, patën guximin dhe treguan futboll cilësor dhe tani mbetet që Vllaznia të organizohet, të përtërihet”, shtoi Sokoli.

Sot mund të lexoni Shfletoni kopertinat