Walter Zenga do të jetë trajneri i ri i Crotones. Lajmi është bërë i ditur nga mediet italiane që raportojnë se është arritur tashmë akordi mes palëve, ndërsa nesër pritet që ish portieri i Interit të mbërrijë në Kalabri për të nënshkruar kontratën.
Zenga do të marrë kështu postin e Davide Nicolas, i cili dha dorëheqjen në fillim të kësaj jave, pas humbjes në shtëpi me Udinesen. Për stolin e Crotones u kontaktuan disa trajnerë, përfshi këtu edhe ish teknikun e kuqezinjve, Gianni De Biasi.