Ka ndërruar jetë sot në orët e hershme të mëngjesit, në moshën 52 -vjeçare Nexhat Halimi, ish futbollist i Vllaznisë së Pozharanit, i cili një kohë të gjatë ishte edhe sekretar shumëvjeçar i Klubit.
Nexhati ishte njëri nga kontribuuesit më të mëdhenj të sportit, ishte një sportist i vërtetë i cili kurrë dhe asnjëherë, pos në këto ditët e fundit nuk iu nda klubit të zemrës, Vllaznisë.
Halimi ka qenë pjesë e pandashme e KF Vllaznisë ku me vite të tëra ka qenë sekretar klubi, gjithashtu ka qenë një kohë të gjatë edhe gjyqtar i futbollit dhe delegat i licencuar nga FFK-ja. Halimi, u varros me nderime në varrezat e Pozharanit.
