Futbollisti portugez së fundmi ka fituar Topin e Artë për të pestën herë në karrierë.
Cristiano Ronaldo ka treguar që është shumë i lumtur dhe krenar me arritjet që ka pasur me Real Madridin, pasi theu edhe një rekord duke u bërë golashënuesi më i mirë në Kupën e Botës për Klube.
Portugezi ka realizuar golin e barazimit në fitoren 2:1 të Realit në gjysmëfinale ndaj Al Jaziras, duke kaluar Lionel Messin, Luis Suarez dhe Cesar Delgado, transmeton KosovaPress.
“Fillimisht më duhet të them se jam shumë i lumtur. Më bën krenar, sidomos fakti që këto arritje i kam bërë me fanellën e një klubi si Real Madridi”, ka thënë ai.
“Fitova Topin e Artë dhe tani jam golashënuesi më i mirë në Kupën e Botës së Klubeve që mua më jep motiv për të punuar dhe sakrifikuar më shumë nga vetja”.
“Dua gjithashtu të falënderoj edhe bashkëlojtarët e mi sepse pa ta do ta kisha të pamundur të fitoja”, ka theksuar Ronaldo.
Reali në finale do të ndeshet me klubin brazilian Gremio.