Theo Walcott bën pjesë në listën e disa futbollistëve që mund të largohen nga Arsenali këtë afat kalimtar.
Anësori 28 vjeçar po kërkon që të largohet nga Arsenali, për t’iu bashkuar një skuadre ku do t’i premtohej më shumë minuta, për të mos humbur vendin në Kombëtaren e Anglisë, për Kupën e Botës ‘Rusia 2018’.
Walcott këtë sezon ka pasur paraqitje të limituara, ku nga 15 paraqitje, nëntë herë ka ardhur si zëvendësues.
Janë skuadra si Southampton dhe Everton që kanë shprehur interesim për të, ndërsa ditë më parë është përmendur edhe Interi me Milanin.
