Shkëndija lë Tetovën për të vijuar përgatitjet dimërore shtatë ditët e ardhshme në Ohër. Kampioni vjeshtor synon të përgatitet sa më mirë për pjesën e dytë të kampionatit.
Pas matjeve dhe testeve mjekësore stafi teknik tanimë ka nisur implementimin e plan-programit për këtë fazë të përgatitjeve, ku theks i veçantë i kushtohet ngritjes së nivelit të forcës fizike. Në Ohër do të punohet nga dy herë në ditë, kombinuar në palestër për ngritje të peshave dhe terren. Trajneri Qatip Osmani më 12-të dhe 16-të janar ka paraparë ndeshje testuese brenda grupit.
Risi në mesin e futbollistëve është prania e të riut Ensar Luma, i cili me rekomandim të stafit teknik nga ekipi U19 ka kaluar në skuadrën e parë. Ndërkohë jashtë listës së futbollistëve për në Ohër kanë mbetur Besart Abdurahimi dhe Xhelil Asani të cilët do të vijojnë stërvitjet individuale në Tetovë, pasi nuk bëjnë pjesë në planet e stafit teknik për pjesën pranverore të sezonit.
Portierë:
Kostadin Zahov
Saladin Mustafi
Bekim Rexhepi
Artan Iljazi
Mbrojtës:
Bllagoja Todorovski
Mevlan Murati
Olsi Teqja
Egzon Bejtullai
Ylber Beqiri
Mevlan Adili
Ardian Cuculi
Mesfushorë:
Sabit Bilali
Besmir Bojku
Enis Fazlagic
Ennur Totre
Armend Alimi
Arbin Zejnullai
Ferhan Hasani
Sulmues:
Stenio Junior
Ensar Luma
Marjan Radeski
Besart Ibraimi
Shefit Shefiti
Izair Emini