Real Madridi është më afër rënies nga liga, se sa Barcelonës apo titullit të kampionit.
Kampioni i Spanjës dhe Evropës, Real Madrid, aktualisht renditet në pozitën e katërt në ligë, me 32 pikë pas 18 xhirove.
Madrilenët të shtunën pësuan humbje me rezultat 1:0 në “Bernabeu” nga Villarreali në kuadër të La Ligas.
Kjo humbje ka bërë që ‘Los Blancos’ tashmë të renditen 19 pikë prapa liderit dhe rivalit Barcelona, pas fitores që blaugranët e shënuan ndaj Real Sociedadit.
Ekipi që renditet në pozitën e 18-të [vend që garanton rënien nga liga], Deportivo La Coruna, aktualisht ka 16 pikë pas 19 xhirove – 16 më pak se Real Madridi që ka 32.
Barcelona aktualisht kryeson si lidere me 51 pikë – që do të thotë se ka 19 pikë më shumë se Real Madridi.
