Dikur futbolli shqiptar nuk bënte pjesë në asnjë hartë të Europës

Futboll

Dikur futbolli shqiptar nuk bënte pjesë në asnjë hartë të Europës

Më: 17 janar 2018 Në ora: 15:47
Ansi Agolli

Kapiteni i Kombëtares shqiptare Ansi Agolli është krenar për futbollin që përfaqëson Kombëtarja jonë në ditët e sotme. 
“Dikur futbolli shqiptar nuk bënte pjesë në asnjë hartë të Europës, ndërsa tani në sytë e të huajve shikohet me një mënyrë tjetër, e kjo jo vetëm për sa i përket kombëtares, por edhe për sa i përket kampionatit”.

“Kam rreth 13 vite që luaj me ekipin kombëtar A, por më parë kam luajtur edhe në kombëtaren U-19 dhe atë të 21-vjeçarëve. Në këto vite që kam qenë pjese e Kombëtares kam vënë re një zhvillim me hapa të mëdhenj të futbollit shqiptar dhe rezultatet nuk kanë ardhur rastësisht”, është shprehur Agolli.

“Kush ka arritur të jetë futbollist në kohen që Duka ka qenë president i ka parë edhe më mirë ndryshimet. Secili nga ne ka punën e vet tek skuadra ku luan, por ama askush nuk mund të ma fshijë mua kënaqësinë që më jep kur shikoj futbollin e vendit tim në nivele te larta. Të jemi realistë, Shqipëria nuk ka shumë gjëra për t’u krenuar përveç futbollit. Le të dalë dikush e të thotë që kemi avancuar në ndonjë sport tjetër, apo në ndonjë sferë tjetër të jetës, me hapa kaq të mëdhenj. Shqipëria ka ecur përpara në shumë drejtime, por askund aq sa futbolli.

Unë kam rreth 15 vite që e njoh Dukën. Kam marrëdhënie njerëzore dhe profesionale mjaft të mira me të. E kam parë vetë se sa pranë i ka qëndruar skuadrës ne momente të vështira dhe pasioni që ai ka për punën që ka bërë në Federatën Shqiptare të Futbollit, institucionin më frytdhënës në Shqipëri" tha kapiteni." vazhdoi Agolli në një intervistë për "Sport Ekspres” .

“Çdo ish-futbollist apo futbollist aktual i Kombëtares shpreh atë që ka parë dhe po sheh. Askush nuk flet për interesin personal apo për t’i bërë mirë federatës, sepse nuk është fushatë ku voton populli i thjeshtë, por sepse këto ndryshime janë të dukshme nga viti në vit. Për fjalët nuk e vras shumë mendjen, unë them atë që ndiej, qoftë kjo e saktë, apo e gabuar” përfundoi Agolli.

Sot mund të lexoni Shfletoni kopertinat