Juventusi ka shënuar fitore me rezultat të ngushtë kundër Genoas (1-0).
Zonja e Vjetër e nisi ndeshjen më mirë duke radhitur disa raste. Miralem Pjanic, Samih Kheidra dhe Douglas Costa tentuan të shënojnë që në fillim.
Por vendasit kaluan në epërsi në minutën e 18-të. Pas një pasimi të bukur të Mandzukic, më së miri në zonë u gjend Costa i cili me një prekje të lehtë shënoi për 1-0.
Të dy klubet pas golit tentuan të shënojnë, por me këtë rezultat u mbyll pjesa e parë.
Në pjesën e dytë rastet më të mira i kishte Miralem Pjanic dhe Samih Khedira, por që nuk arritën të shënojnë.
Loja e Juventusit ishte më shumë e koncentruar në goditje nga distanca, por që shumë shpesh nuk e qëllonin cakun.
Në anën tjetër për disa minuta në pjesën e dytë e morën lojën nën kontroll edhe Genoa, por pa arritur të krijojnë ndonjë rast të rrezikshëm.
Pas kësaj fitoreje Juventusi mbetet në pozitën e dytë me 53 pikë,një më pak se Napoli që është lider.
Zonja e Vjetër ndeshjen e ardhshme udhëton te Chievo.
