Antonio Conte është shprehur i lumtur pas fitores së Chelseat kundër West Bromit në xhiron e 27’të në Premierligë.
Chelsea ishte në krizë pas dy humbjeve të njëpasnjëshme nga Watford dhe Bournemouth. Por, me fitore kundër WBA-së në njëfarë mënyre nga Conte largohet presioni.
Ai pas ndeshjes së mbrëmshme ka falënderuar tifozët, të cilët përkundër rezultateve ia kënduan emrin gjatë gjithë kohës.
“Për të qenë i sinqertë, unë dua t’i falënderoj të gjithë tifozët. Ata e kuptuan presionin tim dhe më ndihmuan shumë që ta largoj. Dhe sigurisht që dua t’i falënderoj ata”, ka thënë Conte.
Chelsea me fitoren e mbrëmshme, u ngritë në pozitën e katërt në tabelë me 53 pikë.
