James Rodriguez katër vite më parë ishte njëri nga futbollistët më të shtrenjtë në botë, ku pas një performance të shkëlqyer në Kupën e Botës, ishte transferuar në Real Madrid nga Monaco.
Real Madrid që atëkohë drejtohej nga Carlo Ancelotti, shpenzoi në transferimin e James Rodriguez 80 milionë euro.
Ardhja e Zidane në krye të Real Madrid, bëri që James Rodriguez të humb vendin e titullarit, ndërsa verën e kaluar u dha huazim te Bayern Munich, me të drejtë blerje.
E të drejtën për ta blerë James Rodriguez, sipas medieve gjermane Bayern Munich do ta shfrytëzojë këtë verë, duke i ofruar Real Madridit 40 milionë euro për shërbimet e 26 vjeçarit.