Është raportuar se pronari i Milanit, Yonghong Li, mund të marrë një hua prej 35 milionë euro nga fondi i ‘Elliott Management'.
Biznesmeni kinez duhej të merrte hua rreth 180 milion euro për të përfunduar marrjen e tij nga ‘Rossonerët’, me klubin në vetvete duke paguar 123 milionë nëpërmjet dy obligacioneve të renditura në Vjenë.
Tani ‘Il Sole 24 Ore’ raporton se Elliott është i gatshëm të ofrojë 35 milionë euro të mëtejshme, duke rritur borxhin e kompanisë mbajtëse të ‘Rossoneri Sport Investment’, në 215 milionë.
Këto para mund të përdoren për të përmbushur angazhimet e bëra për rritjen e kapitalit, me një total prej 30 milion euro të zotuara para qershorit, prej të cilave 10 milion euro do të paguhen deri më 23 mars.
Ndërsa kjo do të rriste borxhin që i detyrohet Li, por që mund të shihet si një shenjë se fondi mbrojtës nuk është i shqetësuar për aftësinë e tij për t’i kthyer ato.
Deri më tani pronari i ka respektuar gjithmonë angazhimet e tij, edhe nëse rritja e fundit e kapitalit prej 3 milion euro është vonuar për rreth 10 ditë.