Sulejman Starova është trajneri i ri i Ferronikelit. Me kalimin e “Bobit” në Kosovë çështja e titullit në “Vala Superliga” mund të kthehet në një betejë mes trajnerëve shqiptarë.
Ferronikeli pas 24 javësh mban vendin e katërt me 38 pikë, tre më pak se Liria e trajnerit Bledi Shkëmbi, 5 pikë më pak se Prishtina e trajnerit Mirel Josa që ndodhet e dyta.
Por, ekipi i Starovës ka dy pikë më shumë se Trepça ’89 e trajnerit Gugash Magani. Te Ferronikeli, Starova gjen edhe ish-lojtarë të Partizanit, kapitenin e ekipit Behar Maliqi, si dhe dy të rinj që ai nuk i pëlqeu te “demat”, Laurent Ismailaj dhe Ardit Jaupaj.
