Zlatan Ibrahimovic edhe zyrtarisht ka nisur një kapitull të ri në karrierën e tij.
36 vjeçari suedez një ditë më parë është zyrtarizuar te skuadra amerikane, Los Angeles, duke u larguar nga Manchester United.
Sot ish sulmuesi i shumë skuadrave të mëdha evropiane, ka dhënë intervistën e parë si lojtar i LA Galaxy, për faqen zyrtare të klubit.
Në fjalët e tij të para, Ibrahimovic ka thënë se triumfin e ka në ADN-në e tij, duke paralajmëruar suksese të reja për skuadrën e re.
“Është në ADN-në time për të fituar trofe, dhe kudo që kam shkuar, kam fituar. Vendi tjetër, Zlatani i njëjtë”, ka deklaruar Ibrahimovic për faqen zyrtare të klubit.
“Kam zgjedhur Galaxy sepse është vendi i duhur për mua, është ekipi më i mirë në SHBA, nuk ka asnjë dyshim”, ka shtuar ai.
