Alessandro Del Piero e ka vënë në pikëpyetje qasjen e Massimiliano Allegrit në humbjen e Juventusit kundër Real Madridit, duke thënë se duke parë se çfarë kishte ndodhur në finalen e vitit të kaluar, ai është dashur të ndryshonte diçka.
Ish-klubi i Del Pieros u mposht me lehtësi 3-0 në shtëpi në ndeshjen e parë çerekfinale të Ligës së Kampionëve.
Sulmues legjendar beson se Allegri është dashur të futej me një qasje tjetër në këtë ndeshje.
“Real Madridi e ka mesfushën më të mirë në botë. Ata e dinë kur të sulmojnë dhe kur të mbrohen”, ka thënë Del Piero për Sky Sport Italia.
I pyetur për Allegrin, ai ka thënë: “Ai ka marrë lëvdata shumë herë për vendimet e tij, por ka mundur të ndryshonte diçka, duke e parë finalen e vitit të kaluar”.