Barcelona me një paraqitje spektakolare ka mposhtur Sevillan në finale të Kupës së Mbretit me rezultat 5:0.
Katalanët kanë arritur ta dominojnë për 90 minuta finalen e Kupës së Mbretit, duke e mposhtur 5:0 Sevillan në ‘Wanda Metropolitano’.
Kjo mbrëmje si shumë të tjera, ishte e destinuar për Lionel Messin, që kompletoi një paraqitje për t’u mbajtur mend.
Luis Suarez në minutën e 14’ kaloi Barcelonën në epërsi 0-1.
Vazhdimi i ndeshjes solli edhe shfaqjen e Lionel Messit, që u përfshi në një gol në minutën e 31’ (0-2), dhe dy asistime, te Suarez në minutën e 40’ për 0-3, dhe te Iniesta në minutën e 52’, për 0-4.
Golin e fundit për Barcelonën në këtë ndeshje e shënoi Philippe Coutinho nga penalltia në minutën e 69’.
Ky ishte titulli i 30-të i Kupës së Mbretit për Barcelonën.