Trup-shkurtër, por shumë i shpejt dhe i shkathtë, e kush tjetër ka qenë përveç Mensur Nexhipit. Ai i takon gjeneratës së artë të Prishtinës, në kohën e Fadil Vokrrit, Fadil Muriqit, Kujtim Shalës etj.
Nexhipi ka pasur mjeshtri të jashtëzakonshme dhe shumë herë vendoste edhe fitoret e Prishtinës. Pa dyshim duhet kujtuar ndeshjen e 1 marsit të vitit 1987, kur në javën e 19 Prishtina e shembi me rezultat 3:0 klubin malazez Sutjeskën nga Nikshiqi. Mensur Nexhipi shënoi het-trik (16', 32', 51').
Në stadium ishin rreth 30 mijë shikues, Nexhipi elektrizoi stadiumin, por e veçantë ka qenë trajneri serb i Prishtinës, Millovan Gjoriqi, që dinte ta shfrytëzonte dinakërinë e tij, kthehej nga tifozët shqiptarë dhe së bashku festonte golat e Nexhipit dhe fitoren e madhe të Prishtinës. Bile ishte ndeshja e dytë në fanellën e Prishtinës e portierit Shukri Paçarada dhe pa pësuar gola!