Shkëndija nga Tetova fiton me rezultat 3:1 në udhëtim kundër Sileksit në Kratovë. Hasani (4’), Bojku (43’) dhe Wakili (54’) shënuan golat për fitoren e 26-të sezonale, kurse për Sileksin realizoi: Bllogajeviç (62’). “Sigurisht se jam i kënaqur edhe pse sot rezultati mund të ishte ende më i thellë pasi kur ishte rezultati 0:1 humbëm dy raste të qindpërqindta. Por megjithatë Shkëndija sërish tregoi një lojë të mirë, të bukur, e cila na jep rezultate dhe ne duhet të vazhdojmë me këtë rritëm deri në fund”, deklaroi pas ndeshjes me Sileksin, trajneri kuqezi Qatip Osmani. Skuadra shqiptare Renova nga Xhepçishti i Tetovës si vendas barazoi 1:1 me Vardarin e Shkupit.
Valmir Nafiu shënoi nga penalltia në minutën e 90-të për Renovën dhe Barseghyan (76’) për Vardarin. Shkupi si mysafir luajti baras 1:1 me Skopjen, ky ishte edhe derbi i skuadrave të kryeqytetit. Për skuadrën shqiptare shënoi Jasharovski (7’) dhe për Skopjen Petkovski (89’). Shkëndija kryeson me 82 pikë, ndërsa Renova është në pozitën e gjashtë me 41 pikë dhe Shkupi i shtati me 39 sosh pas 33 jave në Kampionatin e Maqedonisë.
Liga e Maqedonisë
Sileksi-Shkëndija 1:3
Skopje-Shkupi 1:1
Renova-Vardari 1:1
Pelisteri-A. Pandev 1:3
Rabotniçki-Pobeda 4:2
Tabela
1. Shkëndija 33 26 4 3 82
2. Vardari 33 15 8 10 53
3. Sileksi 33 12 10 11 46
4. Rabotniçki 33 12 9 12 45
5. A. Pandev 33 10 12 11 42
6. Renova 33 10 11 12 41
7. Shkupi 32 9 12 11 39
8. Skopje 33 6 14 13 32
9. Pobeda 33 8 8 17 32
10. Pelisteri 32 7 10 15 31
