Liverpooli i ka bërë një premtim të madh yllit të skuadrës, Mohamed Salahut, i cili është sensacioni i vitit në Premierligë, sipas Don Balon.
Mediumi spanjoll pohon se Liverpooli i ka premtuar Mohamed Salahut se do ta shesë në Real Madrid këtë verë, nëse ai i ndihmon klubit ta fitojë Ligën e Kampionëve më 26 maj pikërisht kundër gjigantit spanjoll.
Anësori egjiptian është joshur nga Madridi dhe dëshiron të largohet nga Premierliga në drejtim të La Ligës pas këtij sezoni.
Duke e kuptuar këtë dhe duke dashur që ai të jetë i përqendruar në finalen e Ligës së Kampionëve, Liverpooli i ka premtuar se do t’ia bëjë realitet kalimin në Real, nëse shpallen kampionë të garës më prestigjioze evropiane për klube në Kiev.