Pajtim Kasami dhe Ermir Lenjani me ekipin e Sionit shënuan fitore të madhe me rezultat 3:2 kundër St. Gallenit, në ndeshjen e javës së 34-të të Kampionatit të Zvicrës. Kasami shënoi gol në minutën e 19-të, që i dha forcë edhe më shumë skuadrës së tij në minutat vijues të lojës. Kasami (19'), Wittwer (36'-autogol), Succar (58') shënuan për Sionin dhe Aleksiq (30') e Itten (90+3') për St. Gallenin. Kasami u zëvendësua në fund të pjesës së parë, kurse Ermir Lenjani luajti tërë takimin. Zurich e mund Baselin me rezultat 4:1. Shqiptari nga Kosova Albian Ajeti shënoi për Baselin dhe ruan kryesimin në listën e shënuesve. Ai prinë me 16 gola, një më shumë se Hoarau i Young Boysit. Dwamena (50'), Modou (62'), Frey (83') e Marchesano (90+1) realizuan për Zurich—un dhe Ajeti (90+3) për Baselin. Toni Domgjoni, Mirlind Kryeziu e Izer Aliu luajtën standardë për Zurich-un. Aliu u zëvendësua në minutën e 46-të e Domgjoni në atë të 77-tën. Luzern u nda baras 1:1 me Grasshoppersin.
Shkëlqim Demhasaj, Idriz Voca luajtën të plotë për Luzernin dhe Nedim Bajrami titullarë e Gjelbrim Taipi nga minuta e 72-të për Grasshoppersin. Rodriguez (67') shënoi për vendasit dhe Gjuriçin (56') për mysafirët.
Lausanne si vendas humbi me 2:0 nga Thun. Andi Zeqiri e Benjamin Kololli luajtën standardë, ky i fundit u zëvendësua në minutën e 60-të, po këtë minutë futet në lojë Mersim Asllani. Lausanne bie përfundimisht nga liga. Young Boys e mposhti me 3:1 Luganon. Ngamaleu (14'), Hoarau (54') e Sanogo (74') realizuan për kampionin e ri, Young Boys dhe Jetmir Krasniqi (5') për Luganon. Jetmir Krasniqi u ndëshkua me karton të verdhë në minutën e 13-të dhe u zëvendësua në atë të 75-tën.
Liga e Zvicrës
Zurich-Baseli 4:1
Luzern-Grasshoppers 1:1
Lausanne-Thun 0:2
Sion-St. Gallen 3:2
Young Boys-Lugano 3:1
Tabela
1. Young Boys 35 25 6 4 81
2. Basel 35 20 8 7 68
3. Luzern 35 15 8 12 53
4. Zurich 35 12 12 11 48
5. St. Gallen 35 14 3 18 45
6. Lugano 35 12 5 18 41
7. Sion 35 10 9 16 39
8. Grasshoppers 35 10 9 16 39
9. Thun 34 11 6 17 39
10. Lausanne 34 8 8 18 32