Alessandro Del Piero ka komentuar mundësinë e pensionimit të Gianluigi Buffonit.
Alessandro Del Piero ka komentuar mundësinë e pensionimit të Gianluigi Buffonit pas ndeshjes Juventus – Verona të shtunën në Serie A.
Ish kapiteni i “Bianconerëve” ka thënë se dëshiron që Buffon të tërhiqet dhe të përshëndetet nga i tërë stadiumi, ashtu siç i ndodhi atij në ndeshjen e fundit për ekipin nga Torino.
“Nëse ndodh këtë fundjavë, uroj që Gigi të përshëndetet nga i tërë stadiumi në këmbë, njësoj si unë”, u shpreh ai.
“Ky është një falënderim i madh dhe derisa po ecja rreth fushës i falënderoja ata që më kanë dashur dhe i kam dashur gjithmonë”, theksoi Del Piero.