Jose Mourinho po mundohet të bindë kapitenin e AC Milan Leonardo Bonucci të transferohet te Manchester United, sipas Tuttosport.
Sipas edicionit të fundit të gazetës torineze, Mou kërkon të përforcojë prapavijën e tij dhe i pari në listë është pikërisht Bonucci.
Qendërmbrojtësi do të mbushë 31 vjeç këtë muaj dhe ka kaluar një vit të vështirë te Milan. Presioni i shiritit të kapitenit i ka shtuar jashtë mase presionin italianit.
Nëse do të largohej, Milan do të bënte një përfitim të mirë, pasi pagoi 42 milionë euro për shërbimet e tij sezonin e kaluar.
Ai zgjodhi të qëndronte brenda Italisë, megjithëse kishte oferta të shumta nga jashtë vendit, për shkak se djali i tij ishte probleme serioze me shëndetin.
Fatmirësisht, i biri i tij është rikuperuar dhe një transferim në Premier League do të ishte mundësia e tij e fundit për të treguar vlerat e vërteta.
