Manuel Neuer sheh dritën, thirret nga Bayern Munich pas tetë muajsh

Futboll

Manuel Neuer sheh dritën, thirret nga Bayern Munich pas tetë muajsh

Më: 18 maj 2018 Në ora: 15:53
Manuel Neuer

Më në fund, Manuel Neuer. Pas një pritjeje të gjatë, portieri i Bayern Munich u thirr përsëri nga bavarezët për një ndeshje sezonale. Në fakt bëhet fjalë për ndeshjen e fundit, e cila do të mbyllë sezonin 2017-2018 në tokën gjermane.

Neuer është në listën e të grumbulluarve nga Jup Heynckes për finalen e Kupës së Gjermanisë, kundër Eintracht Frankfurt. Ai do të vazhdojë të jetë përsëri zëvendësi i Ulreich. Është hera e parë që Heynckes e ka në dispozicion portierin Neuer, që kur ai u kthye në stolin e Bayern Munich.

32-vjeçari u dëmtua në shtator, pak para mbërritjes së teknikut të vjetër. Tetë muaj ndalesë për portierin, me dyshime të mëdha për rimëkëmbjen dhe bërjen gati për Botërorin e Rusisë. Neuer është përfshirë në listën paraprake të skuadrës për “Rusia 2018”, së bashku me Leno, Ter-Stegen dhe Trapp.

commentFirst article
Sot mund të lexoni Shfletoni kopertinat