Kur kanë mbetur më pak se një muaj deri te fillimi i Kupës së Botës ‘Rusia 2018’, pjesa më e madhe e kombëtareve pjesëmarrëse, kanë publikuar listat me lojtarët e ftuar.
Me publikimin e këtyre listave, janë mësuar emrat e mëdhenj që nuk do të jenë pjesëmarrës në Kupën e Botës.
Mungesat më të mëdha vijnë nga Franca, ku trajneri Didier Deschamps ka lënë jashtë listës shumë emra të njohur, si Benzema, Payet, Rabiot, Kondogbia, Martial e Lacazette.
Jashtë listës ka mbetur edhe Zlatan Ibrahimovic, i cili edhe pse i pensionuar nga futbolli kombëtar, ditë më parë ka dhënë sinjale për një rikthim, i cili nuk iu pranua.
Media spanjolle ‘Marca’, ka publikuar një formacion me yjet që nuk do të jenë në botërorin e Rusisë.
