Lausanne kthehet me tri pikë nga St. Galleni, por nuk i futen asgjë në punë sepse kishte javë që humbi statusin elit. Lausanne ngadhënjeu me rezultat 3:0 ndaj St. Gallenit. Reprezentuesi i Kosovës, Benjamin Kololli shënoi dy gola në minutën e 34-të nga penalltia dhe në atë të 42-tën, kurse tjetrën Cabral (39’). Lausanne përfundoi në vend të fundit me 35 pikë dhe përshëndetet nga elita.
Mersim Asllani luajti i plotë, kurse Benjamin Kololli u zëvendësua në atë të 72-tën dhe Andi Zeqiri futet në fushë në minutën e 78-të. Kololli individualisht ka pasur një edicion shumë të mirë, me 10 gola të shënuara. Grasshoppers si vendas mundet me rezultat 2:1 nga kampioni i ri Young Boys nga Bernë. Kodro (62’) realizoi për Grasshoppersin dhe Nsame (80’ e Fassnacht (90’) për Young Boysin.
Nedim Bajrami e Gjelbrim Taipi luajtën të plotë për Grasshoppersin, kurse Sadik Vitija nga minuta e 81-të. Young Boys është kampion me 84 pikë, kurse Grasshoppers renditet në pozitën e parafundit (i nënti) me 39 sosh. Lugano dhe Zurich ndanë pikët, 1:1. Mariani (69') shënoi për vendasit dhe Schonbachler (80') për mysafirët. Mirlind Kryeziu e Toni Domgjoni u paraqitën standardë dhe Izer Aliu (72’) për Zurich-un, ndërsa Eris Abedini luajti deri në minutën e 52-të për Luganon.
