“Djajtë e Kuq” bëjnë transferimin e parë të sezonit.
Manchester United dhe Shakhtar Donetsk janë shumë afër marrëveshjes për transferimin e futbollistit brazilian Fred në Old Trafford.
25-vjeçari që ka shkëlqyer me fanellën e ekipit ukrainas, është pëlqyer edhe nga Manchester City i Pep Guardiolas, por Jose Mourinho ka këmbëngulur që Fred t’i bashkohet ekipit të tij.
Sipas medieve angleze, United kërkon që ta mbyllë transferimin e Fred para fillimit të Kupës së Botës, në mënyrë që ta ketë gati lojtarin me të filluar përgatitjet në fund të muajit korrik.