Barcelona thuhet se është e hapur për idenë e shitjes së Jasper Cillessen këtë verë, mes pretendimeve se Arsenali është i prirur për të rekrutuar portierin.
Sipas një raporti nga spanjollja Mundo Deportivo, Gunners mbeten të etur për të joshur Cillessen dhe do t’a shqyrtojnë mundësinë e nënshkrimit të tij këtë verë.
Cillessen aktualisht është duke vepruar si zgjidhja e dytë pas Marc-Andre ter Stegen në Camp Nou, ndërsa ndërkombëtari gjermane konsiderohet si portieri numër një nga Ernesto Valverde.
Arsenali ka qenë shumë i lidhur me një goditje për Cillessen dhe pretendohet nga Mundo Deportivo se Barcelona do të dëgjojë çdo ofertë potenciale për holandezin në javët e ardhshme.
Kontrata e 29-vjeçarit në Barcelonë aktualisht përfshin një klauzolë lirimi me vlerë prej 60 milionë eurosh – një shumë që Arsenali nuk ka gjasa të shpenzojë për lojtarin.
Megjithatë, nëse pretenduesit e mundshëm duan të ulin Cillessen këtë verë, raporti pohon se Barcelona do të pranojë vetëm oferta pranë shumës së lartpërmendur.
