Roma ka hyrë në garë për Javier Pastore, që është objektivi edhe i Inter dhe West Ham, duke ditur që PSG duhet të shesë deri më 30 qershor.
Sipas La Gazzetta dello Sport dhe Tuttomercatoweb, drejtori i kryeqytetasve Monchi është duke përgatitur transferimin e radhës.
Argjentinasi Pastore ka një kontratë që skadon më 2019 dhe kërkon të largohet, kështu që ai pritet të jetë shitja e parë e PSG për të rregulluar balancat.
Edhe West Ham United është në bisedime, por 29-vjeçari nuk e ka me shumë dëshirë idenë e Premier League.
Roma do t’i premtonte rikthimin në Serie A dhe Champions League.
Një marrëveshje mund të arrihej për rreth 20-25 mln euro, me lojtarin që do të nënshkruante për 4-5 mln në vit.
Me raportet që thonë se Radja Nainggolan është drejt Inter për 30 mln euro, mesfusha e Roma-s pritet të pësojë një revolucion të vogël.