Federata e Futbollit e Argjentinës dhe trajneri Jorge Sampaoli kanë arritur marrëveshje për t’i dhënë fund ciklit të kilianit në krye të ekipit kombëtar argjentinas.
“Sot, Federata e Futbollit e Argjentinës dhe ish-trajneri i ekipit kombëtar, Jorge Sampaoli, kanë rënë në ujdi për ta ndërprerë kontratën”, njofton Federata argjentinase në një postim në Twitter.
Jorge Sampaoli e mori drejtimin e Argjentinës në vitin 2017. Nën udhëheqjen e tij Argjentina i ka zhvilluar 15 ndeshje, nga të cilat i ka fituar shtatë, katër herë ka barazuar dhe katër herë të tjera ka humbur.
Më zhgënjyes ishte eliminimi nga Kupa e Botës në 1/8 e finales në duel me Francën, si dhe skemat e tij të dështuara në pothuajse çdo ndeshje.