Ish-mbrojtësi i kombëtares argjentinase ka treguar një rast nga e kaluara, kur ka pasur problem me Lionel Messin.
Nicolas Burdisso ka zbuluar që nuk ka pasur marrëdhënie të mira me Lionel Messin në kombëtare.
Mbrojtësi 37-vjeçar kujton një rast kur në Kupën e Amerikës më 2011, ishte përleshur me Messin në zhveshtore.
“Kemi pasur një konfrontim fizik në zhveshtore”, tha Burdisso.
“Mendoj se unë nuk isha i vetmi që i kam bërtitur atij, pasi gjëra të tilla ndodhin në zhveshtore”.
“Fillimisht ishim fjalosur në fushë pasi ai kërkonte topin, unë mundova t’ia pasoja por nuk munda. Ai u nervozua dhe situata filloi të tensionohej”.
“Kur hymë në zhveshtore ai vërsul tek unë, por u desh të ndërhynin të tjerët për të na ndarë”.
“Këto gjëra ndodhin në futboll, por gjithçka përfundoi mirë”, ka treguar ai.
